احدث المشاركات

الليله جمعه ……. راسم محمد

الليله جمعه
=======
اصحى يا نايم
وحد كريم دايم
وقول نويت ان حييت
باقى الشهر صايم
وليله قايم
اطلب هدى وغفران
واتلو وارتل واجود
بتلاوة القران
وبعوده يارمضان
*
*
الليله جمعه
فوانيس بشمعه
لمه و هيصه
اضواء و زينه
تقولشى ايه
زفة عروسه
خمسه وخميسه
يلا يا صبحى
وانتى يا نفيسه
دا اليوم خميس
سابع ايام رمضان
اصحى يا شوقى
نادى لعزيزه
تجيب لبن
وكمان زبادى
من زاهر اللبان
وانت يا مجدى
هات طبق وردى
من فولك القدرى
وسلطه و بتنجان
وانت يا عبده
عيش جيبلنا برضه
من سيج الفران
دا الالى ما له فايده
اصحى يوسف
وانتى يا عايده
يرحم طحين ومجور
وعجين جدتى الخمران
يلا اصحى يا دينا
هاتى زيت مع طحينه
وطرشى وليمونا
وخل وملح كمان
وانت يا يحيى
يا نجار النحيه
يلا اقفل الدكان
وهاتلى من حمزه
جبنه على زتونتين
راسم بنادى
عامل يا عمنا
برمضان مسحراتى
عمال يلفلف
ويدور ليلاتى
سهران يدندن
وعليك ينادى
صباحكوا ابيض
نهاركوا نادى
يا عم عمران
قوم رتل القران
وبصوتك الحلو
صحصح النايمين
قول نويت الصوم
واتقرب للاله بقيام
دا السعى للصوم
خير من النوم
دى ليالى سمحه
بعديها فرحه
اللى يفوز بيها
يدخل من الريان
والله كريم
وبعوده يا رمضان
اصحى يانايم
وقول نويت ان حييت
باقى الشهر صايم
وليله كمان قايم
عشمان انا بغفران
بقلم
=== الشاعر \ راسم محمد

صورة ‏‎Rasem Mohamed‎‏.

اضف رد

لن يتم نشر البريد الإلكتروني .

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>