احدث المشاركات

عزمتنى حماتى فى رمضــــــــــــــان -عبدالله الحجـــــازى

 

عزمتنى حماتى فى رمضــــــــــــــان —–
جبتلها فاكهة قــــــــــــــــــــولوا بكام

بربع إللى قبضته فى شـــــــــــــعبان —–
وكان نفسى فطــارى يبقى حمـــــام

ويارتنى ما روحت فى رمضـــــــــــــان —–
وحافظت على لســــــــــــانى بصيام

سألتنى دا تفــــــــــــــــــــــــاح لبنان —–
قولتلها دا بطيخ الشـــــــــــــــــــــــام

فضحتنى وقالت غلبـــــــــــــــــــــــان —–
وكان نفسك تفطــــــــــــــــــــر بحمام

طول عُمرك فقـــــــــــــــــرى وعدمان —–
ومجايبك شبهك بتمـــــــــــــــــــــــام

كان نفسى فى تفــــــــــــــــاح لبنان —–
أو حتى بياميش الشـــــــــــــــــــــام

وجايبلى بطيخ تعبـــــــــــــــــــــــــان —–
وجاى نفسك تفطـــــــــــــــــر بحمام

يا حماتى احنا فى رمضـــــــــــــــــان —–
وافطار الصائم إكــــــــــــــــــــــــــرام

يا حماتى إخزى الشيطـــــــــــــــــان —–
وانا شكلى هفطــــــــــــــــــــر بكلام

مُش ناسى حكاويكى زمـــــــــــــــان —–
ولسانك كان محشى كــــــــــــــــلام

وحرمت ازورهــــــــــا فى رمضـــــــان —–
لو حتى عملتلى حمـــــــــــــــــــــام

/////////////////////////////////////////////////////////
تحياتى // الشـــــــاعر // ( عبدالله الحجـــــازى )( 348 )

صورة ‏الشاعر الحجازى‏.

اضف رد

لن يتم نشر البريد الإلكتروني .

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>