احدث المشاركات

أشــــكى لميـــــن….بقلم الشاعرة القديرة/ منى حســــين

أشــــكى لميـــــن
**************
ولمين تكون شكوتى
واحكى وجعتى لمين
لما تكون الااااااااااااااااه
من اقرب الغاليين
عمر الجراح يتحسب
بالثانيه مش بسنين
ازاى قدرت وهان عليك
القسوه ليه بعد الحنين
ازاى قدرت تبيع زمان
وتهون سنين
الحلم فين … ؟
اللمه فين … ؟
الضحكه صافيه
والغلاوه ف كلمتين
طفيت شموع
كان نورها آيد
والادين حاضنه الادين
ازاى قدرت تبيع نهار
وتخلى بدر الليل سجين
آاااااااااااه يا جرحى
فى يوم فرحى
وغُنى الناى الحزين
فى رضاك رضايا
وفى زعلك شقايا
وفى بعدك نقول
على الدنيا آمين
يا معنى للوجود
وكل الحدود
وحضن الامان
وفى ضلك عايشين
لامتى جفاك
تعبت معاك
وتعبنى فرح الشمتانين
سامحت اللى ظالم
صالحت السنين
بحُبك يا طيب
يا ابو الطيبين
وصالك يسعدنى
ورضاك يوهبلى
كل السعاده من بين ملايين
متأساش عليّ
يا نور عنىّ
يا للى رضاك
من رضا رب العالمين
………………منى حســـــــين…………….

صورة ‏منى حسين‏.

اضف رد

لن يتم نشر البريد الإلكتروني .

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>