احدث المشاركات

يا جميله يا سارقه قلوب الناس…بقلم/دينا_إبراهيم‬

صورة ‏‎Dina Ibrahim‎‏.

يا جميله يا سارقه قلوب الناس
الدمعه ف عيني عرفاكي
فبقيت عارفه القلب الحساس
و الحزن المدفون جواكي

نطقت عينك إن دموعك فيها كتير
و أن الدمعه بتقتل فيها
قالت مطلوب التغيير
علشان حزنك مش بإيديها

ردت إيدك أنها حاسه بجرح عنيكي
أصلها ياما مسحت دمعك
و أن اللوم بقى قصر عليكي
ما أنتي تملي ياما بتبكي محدش سمعك

عقلك قال الحزن أنا فاهمه
لكن مش فاهم أفعالك
عينك و إيديكي بيتفاهموا
و وصلوا لخطه تنهي مجالك

رد القلب يدافع عنك
قال الحزن مقرر لينا
بص و قالي أنا لو منك
أرمي الحزن ف أقرب مينا

يمكن يغرق .. بس الحل
لازم غرقه يكون بإيدينا
هنحاول من غير ما نكل
علشان يظهر فرح عنينا

‫#‏دينا_إبراهيم‬

اضف رد

لن يتم نشر البريد الإلكتروني .

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>