احدث المشاركات
بلت

بحبك يامصر بقلم الشاعر / جمال غربيه

بحبك يا مصر يا أغلى الغاليين .

بحبك يا مصر وفيكى من العاشقين .

بحبك يا مصر أرض الفدائيين .

يشهدلك تاريخك على مر السنين .

عاشق فيكى سيناء زينت الخليجين .

وفى سيناء أنا عاشق جبلين .

حمام فرعون وطور سينين .

وبين الجبلين أبو ضربه البتين .

وشجره تنبت بالدهن وسبخن للآكلين .

عاشق يامصر نيلك وجمال الفرعين .

رشيد ودمياط والدلتا بين الأتنين .

الدلتا وسينا عالخريطه مشتبهين .

الدلتا بآحضان النيل وسينا بحضن الخليجين .

وبحرك الأبيض يرسم شمال الساحلين .

ياجمال رسمك سبحان رب العالمين .

عااااااشق ترابك يا بنت البحرين .

الأبيض والأحمر وقنالك بين الأتنين .

فى حضنهم شيفك صبيه زين .

جميله والعين كحيله من شعرك نازل ضافرتين

ياأم الضفاير ولادك بكل ضافيره مقسومين .

عايشنها شد وحد وبيكى موش حاسين .

دمعك سال على الخد وهما ولا شايفين .

فيكى زرعوا الشوك يا أرض البساتين .

قلبى بقلبك حاسس عارف إنهُ بين نارين .

شايف الننى بعيونك موش راكزين .

يمين وشمال على ولادك رايحيين جايين .

سامع آنينك بأذانى صوتهُ ناى حزين .

على رآى أبويا وده من ناسك الطيبين .

بملمحهُ شكلك ولونهُ لونك من ولادك الأمين .

لا فى يوم مسك قلم ولادون كلمتين .

قال القمر منور لكن ضيهُ حزين .

على حال مصر أراهُ باكى العين .

يا بلدى أنا ابنك لكن ولادك مين .

الضالين التايهيين وفيكى زرعوا الأنين .

ولا إلمن حنانك وحضنك محرومين .

ولا إلسال دماهم على إيد ولاد تانيين .

ولا ولادك إلعليكى صاروا جانيين .

لأخوتهم نهبوا وسرقوا,كانوا قاسيين .

وعلى أرضك وخيرك فى نعيمك مترغضيين .

يا أمى ياحبيبتى أنا من ولادك المخلصين .

لترابك ونيلك وكل مافيكى من العاشقين .

أفدى ترابك بدمى وإذا داعيتى أقول آمين .

على أرضك أتربيت فى أغلى حضنين .

أبويا وأمى سقونى حب الوطن .

والأرض والعرض فرض بعد الدين

اضف رد

لن يتم نشر البريد الإلكتروني .

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>